Mantra Sesapan Pamegat Sot

Om Awighnam astu

Atur nghulun I Anu (wasta sane mesosot) ring paduka bhatara, bhatara ring Pura Dalem Butus (Nganutin genah soang-soang), Bhatara Siwa Ditya, Bhatara Giri Jagatnatha makadi Sanghyang Tri Purusa Saksi, kasaksinanya de nira Sang Hyang Trayo Dasa Saksi, Nini Citra Gotra, Kaki Citra Gotra, Tumut Sang Bhuta Galungan, Sang Lumanglang rahina wengi, sira amukti ujar-ujaring manusa.

Hana sauh atur nghulun I Anu ring paduka Bhatara ring Pura Dalem Butus duk nghulun kari maurip, wenten atur nghulun ring paduka Bhatara, lamun parisentana anaking nghulun sida ngamolihang karya, irika sauh atur nghulun ring paduka Bhatara, nghulun sanggup maturan warga sari awengi kantos maka rahina, mangke nghulun sampun dados pitra, mangkin nghulun anaur kadi atur nghulun nguni. I Dewa tan kari miutangang, nghulun tan kari mautang, pegat saprantasan tan kinucap malih.

Mangkin tembenya ring rahina Anggara Pon Menail, titi tanggal panglong ping 4 sasih jyestha, rah 2 tenggek 2 Caka 1934 yusaning loka.
Sumber : Ida Pedanda Gede Ketut Pinatih Pasuruan
Geriya Suci, Geriya Tengah Jungutan

Om Awighnam astu

Atur nghulun I Sadri ri paduka Bhatara, Bhatara Siwa Ditya, Bhatara Siwagni, Bhatara Giri Jagatnatha, makadi Sanghyang Tri Purusa Sakti, Sanghyang Lumanglang ring rahina wengi, Bagawan Panyarikan, makadi Bhatara Gana, gaduh bhuta tiga, pangawaking patiking jagat, wruh ingulah hala ayu, amukti ujar ujaring manusa, maka saksyaning nghulun anawur sosot, nguni hana hanata atur nghulun sawuh durung kataur duk tityang manglungsur pianak muani, titiyang sumanggup maturan aturan adandanan, maruntutan guling bawi, pras papegat, kaatur ring Bhatara ring mrajan alit, mangke nghulun anaur sakadi ature nguni, Dewa tan kari miutangang, nghulun tan kari mautang, wus pegat saparantasan tan kaucap malih, duk manaur ring dina, Sa, U, wa, Watugunung, titi panglong ping, 12, sasih Sada, Rah 2, Tenggek 2, Icaka 1934 yusaing rat.

Sumber : Ida Bagus Nyoman Rai
Geriya Taman, Geriya Tengah Jungutan

sumber : http://www.senaya.web.id/pegatsot.php