IDR 33600.00
| SIZE | PRICE (IDR) |
|---|---|
| 14,5 x 20,5 cm | 33600.00 |
PRODUCT DETAILS
Penulis : I Made Suarsa
tebal : 150 hal
Deskripsi :
Om Swastyastu.
Satus Plekutus. Inggih, Satus plekutus.
Satus plekutus punika boya ja satus plekutus silit sane sampun prasida kaatur olih Raksasi Diah Gagar Mayang majeng ring Ida Betari Durga, sakeng satus kalih dasa silit manusa utama sane sumanggup pacang kaaturang, sadurunge kapicayang kawisesan inggil.
Satus plekutus punika boya ja satus plekutus silit sane sampun prasida kaatur olih Raksasi Diah Gagar Mayang majeng ring Ida Betari Durga, sakeng satus kalih dasa silit manusa utama sane sumanggup pacang kaaturang, sadurunge kapicayang kawisesan inggil.
Satus plekutus puniki boya ja satus plekutus punggelan pararatu sane sampun prasida kaatur olih Detia Purusada majeng ring Ida Betara Kala, sakeng satus kalih dasa punggelan pararatu sane sumanggup pacang kaaturang, sadurunge kapicayang kawisesan unggul.
Satus plekutus puniki boya ja satus plekutus mule-mule sakeng makudang-kudang gantus mutiara manik ebek paglayut ring bahu dada Sri Erswaryadhala ring palangka kanaka Patali nagantun, lagya gegulingan ring taman, makajalaran maweweh-weweh kawibawan sri maharaja, wastu kasadnyanin Sri Singapati de para wiku bhagawantane.
Satus plekutus puniki boya ja satus plekutus wintang taranggana, sakeng makudang-kudang sewu wintang tarmolahing angkasa, ebek paglayut makedap-kedap, sakedap katon ramyanikang byomantara tan sameng pada.
Satus plekutus puniki boya ja satus plekutus manuk sakunta sang angemban wang raray pawestri ing tepinikang lwah Yamuna, warih Bhagawan Wiswamitra atemu tangan lawan Menaka Amarakamini, sakeng makudang-kudang sewu manuk sakunta, lamakana wekasan inaranan Diahh Sakuntala de Mpu Kanwa.
Satus plekutus puniki boya ja satus plekutus mrega sang sing kumawasanikang wanacala sakeng makudang-kudang sewu mrega krura ganal alit, sida sidi kakawasa antuk Si Sarwadamana, apan sira kinasihani de sarwa mrega.
Satus plekutus puniki wantah puisi-puisi alit sakaning bingkah-bingkah prasida ripta titiang, sang kawi muda kapupungan, ring selag-selagan selah galah titiang ngayah pinaka abdi negara ring Fakultas Sastra Universitas Udayana, puisi-puisi doh sakeng paripurna, katur ring ida dane, sang sane oneng saha tlektek ring kawentenan susastra Bali Anyar.
Satus plekutus puniki wantah simbul katah sinar suci Ida Sang Hyang Parama Kawi sakeng makudang-kudang sewu sinar sucin Ida, nitiasa nglimbakang kawruhan sane ngicenin titiang katekaning kulawarga waras sujatining waras, lamakana prasida ngaturang asebit sari puisi samatra satus plekutus.
Satus plekutus puniki wantah simbul katah sang wikan widagda wicaksana ring susastra Bali Anyar, sane tan surud-surud ngicenin titiang paweweh paglemek, lamakana prasida embas cakepan alit puniki, minakadinnyane Rektor Universitas Udayana Prof. Dr. I Made Bakta, Sp. PD (KHOM), Ketua UPT Penerbitan Universitas Udayana Prof. Ir. IDK. Harya Putra, M.Sc., Ph.D. sane wangiang titiang, Dekan Fakultas Sastra Universitas Udayana Prof. Dr. I Wayan Ardika, M.A., reraman titiang I Made Sanggra, suitran titiang Dr.Nyoman Darmaputra, Gde Aryantha Soetama, miwah sraya kanti tiosan sane tan sida carca titiang satunggal-satunggal, luihing sakeng satus plekutus kehnyane.
Satus Plekutus. Sat kunang-kunang anarung sasi, pastika lampus sadurung sida putus. Kemaon durus.
Ratus pawuwus satus plekutus.
Om Santih Santih Santih Om.
*[Harga belum termasuk ongkos kirim. Ongkos kirim minimal dihitung berdasarkan berat barang 1 kg, kami sarankan Anda memesan beberapa barang untuk menekan ongkos kirim]
sumber : http://www.iloveblue.net/
Tidak ada komentar:
Posting Komentar