IDR 26400.00
| SIZE | PRICE (IDR) |
|---|---|
| 14,5 x 20,5 cm | 26400.00 |
PRODUCT DETAILS
Penulis : I Made Suarsa
Tebal : 122 hal.
Deskripsi :
Om Swastyastu
Atha rimolih titiang ngembas Pupulan Puisi Bali Anyar, Ang Ah lan Ah Ang (2004, ngamolihang hadiah Rancage (2005), lan Gunung Menyen Segara Madu (2005), kancit katah sameton ngrangsek ngaksokang titiang mangda ngripta carita cutet utawi cerpen.
Sane pinih banget mentetin inggih punika reraman titiang I Made Sanggra lan suitran titiang I Nyoman Darma Putra. Titiang newek taler sampun sakung sue nginkinang manah pacang malajah ngripta cerpen, rehning katah toh titiang sima sasmita ring desa pakraman sane becik anggen bantang carita.
Boya ping kaling ping tiga titiang kabentetin. Nyabran marerembungan ngiring reraman titiang, yata masadu arep sareng I Nyoman Darma Putra, wanti-wanti titiang kakeleg kabentetin. Kasuen-suen barak taler janggar titiang, metu galak angabar-abar jroning tuas, sapunapi antuk nyengahang mautsaha mangda prasida ngripta cerpen.
Sasida-sidayan ngamet ngemit ngemet pidabdab, nlektekang paripolah nyama braya ring desa-desa pakraman sane kategul desa kala patra. Imbuh-imbuhin titiang drika-driki sakedak–sakedik bunga-bunga pangerger basa, anggen ngraras mayasin, nguadang bantang satua, pamuput puput dados carita.
Wenten 11 (sawelas) carita prasida unggahang titiang sajroning pupulan puniki. Makudang-kudang carita pecak samun naenin kasobiahang ring majalah Canang Sari, Satua, Burat Wangi, miwah ring Bali Post Minggu.
Nangingke antuk kawimudane kalintang, carita sane prasida embas tur pupulang titiang yukti papojolan pisan, tan sida ngatgat, nenten sidi ngutgut, kirang lengut, tata titi unggah-ungguhing basannyane taler katah tan manut uger-uger. Punika mawinan lugrayang titiang nunas geng rena sinampura banget, manawita atur-aturan titiang tan munggah jroning kayun.
Majeng ring Bapak Drs. I Ketut Wandia, M.A. (Pamucuk Program Ekstensi Sastra Inggris Fakultas Sastra Unud), Bapak Drs. I Nengah Sukartha, S.U. (Pamucuk BIPA Fakultas Sastra Unud), lan Bapak Drs. I Made Jiwa Atmaja, S.U. (Pamucuk Unit Penerbit Yayasan Gunawidya Sastra Fakultas Sastra Unud) sane nyarengin ngicenin prabea lamakana cakepan puniki prasida embas, titiang ngaturang suksmaning idep pisan. Suksmaning idep taler katur ring Bapak Drs. I Ketut Sudiana sane sampun arsa ledang nagingin gegambaran lengut pisan.
Reraman titiang I Made Sanggra sane tan surud-surud ngicenin pawekas-wekas, Nyoman Darma Putra, Gde Aryantha Soethama, miwah sameton tiosan sang tan prasida carca titiang tunggal-tunggal sane makueh ngicenin pawarah-warah, titiang taler ngaturang suksmaning manah.
Om Santih Santih Santih Om
*[Harga belum termasuk ongkos kirim. Ongkos kirim minimal dihitung berdasarkan berat barang 1 kg, kami sarankan Anda memesan beberapa barang untuk menekan ongkos kirim]
sumber : http://www.iloveblue.net/
Tidak ada komentar:
Posting Komentar