Buku : Puja Walaka-Pinandhita
IDR 22800.00
| SIZE | PRICE (IDR) |
|---|---|
| 12,5 x 18,5 cm | 22800.00 |
PRODUCT DETAILS
Penulis : IB Putu Bangli
Tebal : 118 hal
Deskripsi :
Om Awighnamastu
Ring pangwesan jagat utawi loka dresta kadi mangkin menawita umat Hindu rasa kapikedehin mangda nincapang kawruhan agama. Bilih-bilih kanjekan kali sangara gumi, inucap ring sastra agama rajah mwang tamah sayan mamurthi ring sarira jadma manusa.
Kebawos sastra agamane pinaka sarana anggen mulat sarira. Pinaka pretiwimba ipun I LUBDAKA kruna linggane mawit saking “LUPTA” kawiswara, tegesnyane LALI, wantah pari polah manusa inucap setata lali. Nenten sewos wantah daging sastra agamane sane ngawinang anake “Jagra Winungu” teges ipun eling ring raga.
Daging asapunika pisan maka tetujon Sanganurat ngelimbakang puja stawa kadi mangkin, ngiring Ida dane sareng nincapang kawruhan agama mangda sidha molih karahajengan jroning urip. Rehnyane kawruhan puja stawa punika nenten lempas ring tata krama, sesana, ritatkala ngemargiang dharma agama.
Boya ja kadi titiang Nyumuka, mapi-mapi wruh limpad ring weda mantra, indike punika banget titiang nunas geng sinampura. Kadi kecaping agama, tan hana wang swasta nulus, tegesipun, nenten wenten jadma puput becik paripurna. Semaliha wecana sang mraga wikan, kadi angganing pepeyon, taru, sayan, geng luhur sayan ogah olih Sanghyang Bayu, angin, mawinan nenten patut prade wenten anak premada ring Sanghyang Weda Mantra.
Munggwing daging buku puniki wantah ketus titiang saking lontar Cecantungan, Kusuma Dewa miwah Niti Sastra Siwa Sesana.
Dumogi Sanghyang Aji kretha wara nugraha, mewastu sidha galang apadang tur sirnaning prebhawa sapta timira ring angga sarira.
Om Shanti, Shanti, Shanti Om
*[Harga belum termasuk ongkos kirim. Ongkos kirim minimal dihitung berdasarkan berat barang 1 kg, kami sarankan Anda memesan beberapa barang untuk menekan ongkos kirim]
sumber : http://www.iloveblue.net/
Tidak ada komentar:
Posting Komentar